Isyarat Ingkang Kaping Kalih

Tuntunan Para Wanita · hlm. 50

Katresnan halal dhateng nepsu ing donya — inggih sanès katresnan ingkang kabangun ing kaéndahanipun, nanging welas-asih ingkang kabangun ing mirsani kekiranganipun lajeng nyampurnakaken — srana nggulawenthah nepsu tuwin nyurung dhateng kesaénan; wohipun: maringi kekasih ingkang pantes tumraping nepsu menika ing swarga. Sarèhning nepsu sampun ngginakaken hawa tuwin pepénginanipun kanthi saé ing margi Gusti Alloh, Gusti Karim Mutlak badhé maringi dhateng piyambakipun ing swarga — minangka wohing katresnan halal tur ngabekti ing donya — pitung-dasa busana ingkang dados conto pitung-dasa warni renggan swarga, ngrengga badanipun srana pitung-dasa warni kaéndahan, tuwin maringi bidadari ingkang saben-sabenipun kados satunggaling swarga alit ingkang gadhah roh, ing nagari kalanggengan menika; kabuktèkaken srana kathah ayat. Sarta katresnan dhateng nèm-nèman ing donya, inggih ngginakaken kekiyataning nèm-nèman ing ibadah; wohipun: nèm-nèman langgeng ing nagari kabegjan.